CMAAA 3.0 অনলাইন আবেদন ২০২৭ – যোগ্যতা, আৰ্থিক সহায় আৰু আবেদন প্ৰক্ৰিয়া

নিজৰ ব্যৱসায় আৰম্ভ কৰাৰ সপোন দেখি আছে নেকি? অসম চৰকাৰে শিক্ষিত যুৱক-যুৱতীক স্বনিযুক্তিৰ বাটত আগবঢ়াই নিবলৈ আৰম্ভ কৰা মুখ্যমন্ত্ৰীৰ আত্মনির্ভৰ অসম অভিযান (Chief Minister’s Atmanirbhar Asom Abhijan – CMAAA)ৰ তৃতীয় সংস্কৰণ, অৰ্থাৎ CMAAA 3.0ৰ বাবে অনলাইন আবেদনৰ প্ৰস্তুতি চলিছে। এই লেখাটোত যোগ্যতা, আৰ্থিক সহায়, নথি-পত্ৰ আৰু আবেদনৰ ধাপবোৰ সহজ ভাষাত দিয়া হৈছে।

গুৰুত্বপূৰ্ণ টোকা: CMAAA 3.0ৰ আনুষ্ঠানিক বিজ্ঞপ্তি এতিয়ালৈকে প্ৰকাশ পোৱা নাই। তলত দিয়া কিছুমান তথ্য (বয়স, ফী, তাৰিখ আদি) পূৰ্বৰ সংস্কৰণ আৰু উপলব্ধ তথ্যৰ ওপৰত ভিত্তি কৰি দিয়া হৈছে। আবেদন কৰাৰ আগতে official websiteত নিশ্চিত হৈ লওক।

CMAAA 3.0 Overview | এই আঁচনিৰ চমু পৰিচয়

What is CMAAA? | আত্মনির্ভৰ অসম অভিযান কি?

বেকাৰত্ব হ্ৰাস কৰি শিক্ষিত যুৱশক্তিক নিজৰ ভৰিত থিয় হোৱাৰ সুযোগ দিবলৈ অসম চৰকাৰে এই অভিযান আৰম্ভ কৰিছিল। প্ৰথমবাৰ আঁচনিখন ২০২৩ চনৰ ২৩ ছেপ্টেম্বৰত আৰম্ভ হৈছিল। চাকৰিৰ অপেক্ষাত বহি থকাতকৈ নিজেই কোনো ক্ষুদ্ৰ ব্যৱসায় বা উদ্যোগ গঢ়ি তুলি আনকো কৰ্মসংস্থাপন দিব পৰাকৈ যুৱকক সক্ষম কৰাই ইয়াৰ মূল ভাবনা।

Objectives | আঁচনিৰ উদ্দেশ্য

• সকলো শ্ৰেণীৰ শিক্ষিত যুৱক-যুৱতীক স্বনিযুক্তিৰ সুবিধা দিয়া।
• অসমত উদ্যোক্তাবান্ধৱ পৰিৱেশ গঢ়ি তোলা।
• নতুন উদ্যোগ স্থাপন আৰু চলি থকা উদ্যোগৰ সম্প্ৰসাৰণৰ জৰিয়তে গ্ৰাম্য আৰু নগৰীয়া অঞ্চলত কৰ্মসংস্থাপন সৃষ্টি কৰা।
• ব্যক্তি বা গোটক নতুন অৰ্থনৈতিক কাম আৰম্ভ কৰিবলৈ বা বৰ্তমানৰ ব্যৱসায় বঢ়াবলৈ আৰ্থিক সহায় যোগোৱা।
• গ্ৰাম্য অৰ্থনীতিৰ ওপৰত ৰাজ্য চৰকাৰৰ বিশেষ গুৰুত্ব অধিক শক্তিশালী কৰা।

Eligibility Criteria | আবেদনৰ বাবে যোগ্যতা

পূৰ্বৰ সংস্কৰণৰ নিয়ম অনুসৰি আবেদনকাৰীয়ে তলৰ চৰ্তবোৰ পূৰণ কৰিব লাগিব:

১. Residency | বাসিন্দা

আবেদনকাৰী অসমৰ স্থায়ী বাসিন্দা হ’ব লাগিব।

২. Age Limit | বয়সসীমা

বয়স ২৮ বছৰৰ পৰা ৪৫ বছৰৰ ভিতৰত হ’ব লাগিব। CMAAA 2.0ত বয়স গণনাৰ বাবে ২০২৪ চনৰ ১ এপ্ৰিলক ভিত্তি তাৰিখ হিচাপে লোৱা হৈছিল; 3.0ৰ ভিত্তি তাৰিখ বিজ্ঞপ্তিতহে স্পষ্ট হ’ব।

চাকৰিৰ খবৰ সোনকালে পাবলৈ আমাৰ WhatsApp চেনেল Follow কৰক।

Follow

৩. Educational Qualification | শিক্ষাগত যোগ্যতা

• অ-বৃত্তিমূলক (Non-Professional) শিক্ষা: সাধাৰণ শ্ৰেণীৰ বাবে অন্তত দশম শ্ৰেণী উত্তীৰ্ণ; OBC, SC আৰু ST শ্ৰেণীৰ বাবে দশম শ্ৰেণীলৈকে অধ্যয়ন।
• বৃত্তিমূলক (Professional) শিক্ষা: ইঞ্জিনিয়াৰিং, চিকিৎসা, কৃষি, পশুচিকিৎসা বা মৎস্য বিভাগত অন্তত ৪ বছৰীয়া ডিগ্ৰী।

৪. অন্যান্য চৰ্ত

• ব্যৱসায়ৰ বাবে প্ৰয়োজনীয় দক্ষতা, অভিজ্ঞতা বা জ্ঞান থাকিব লাগিব।
• কোনো তালিকাভুক্ত বাণিজ্যিক বেংকত (Scheduled Commercial Bank) একাউণ্ট থাকিব লাগিব। CMAAA 2.0ত এই একাউণ্ট ২০২৪ চনৰ ১ এপ্ৰিলৰ আগতে খোলা হ’ব লগীয়া আছিল।
• আগতে কোনো বেংকৰ ঋণ পৰিশোধত খেলাপ (Loan Defaulter) কৰা হোৱা উচিত নহয়।
• এখন পৰিয়ালৰ এজন সদস্যই হে সুবিধা পাব। এই আঁচনিত পৰিয়াল বুলিলে স্বামী, পত্নী, ভাই আৰু ভনীক বুজোৱা হৈছে।
• অসমৰ Employment Exchangeত পঞ্জীয়ন থাকিব লাগিব।

Financial Assistance | আৰ্থিক সহায়

নিৰ্বাচিত উদ্যোক্তাই ₹২ লাখ বা ₹৫ লাখলৈকে আৰ্থিক সহায় দুটা কিস্তিত লাভ কৰিব। কিমান পৰিমাণৰ সহায় কোনে পাব, সেয়া আৰু কিস্তিৰ চৰ্ত চূড়ান্ত বিজ্ঞপ্তিৰ পিছতহে স্পষ্ট হ’ব।

Targeted Sectors | কোনবোৰ ক্ষেত্ৰত ব্যৱসায় কৰিব পাৰি?

CMAAA 2.0ত তলৰ ক্ষেত্ৰবোৰক গুৰুত্ব দিয়া হৈছিল। 3.0তো একেধৰণৰ ক্ষেত্ৰ থকাৰ সম্ভাৱনা আছে:

• কৃষি আৰু উদ্যান শস্য (Agriculture & Horticulture)
• হাঁহ-কুকুৰা পালন (Poultry), গাখীৰ উৎপাদন (Dairy), ছাগলী পালন (Goat Farming), গাহৰি পালন (Piggery)
• মৎস্য পালন (Fisheries)
• বাঁহ, ৰবৰ, আগৰ আদিৰ খেতি (Plantation)
• কাঠভিত্তিক উদ্যোগ আৰু ফেব্ৰিকেশ্বন
• ৰেডিমেড বস্ত্ৰ, ষ্টেচনাৰী, হাৰ্ডৱেৰ ব্যৱসায় আৰু পেকেজিং
• বৃত্তিমূলক শিক্ষাৰ পিছত স্বনিযুক্তি আৰু সেৱাখণ্ডৰ অন্যান্য ব্যৱসায়

Registration Fee | পঞ্জীয়ন ফী

CMAAA 3.0ৰ ফী আনুষ্ঠানিকভাৱে জনোৱা হোৱা নাই। তলত CMAAA 2.0ৰ ফী দিয়া হ’ল, যিটো এটা ধাৰণা হিচাপে লোৱা যায়:

Required Documents | লাগতিয়াল নথি-পত্ৰ

পোৰ্টেল খোলাৰ আগতেই তলৰ নথিবোৰ স্কেন কৰি ৰাখিলে আবেদন সহজ হ’ব:

• পৰিচয়ৰ প্ৰমাণ – আধাৰ / ভোটাৰ কাৰ্ড / পাছপ’ৰ্ট / ড্ৰাইভিং লাইচেঞ্চ
• ঠিকনাৰ প্ৰমাণ – আধাৰ / ভোটাৰ কাৰ্ড / পাছপ’ৰ্ট / ড্ৰাইভিং লাইচেঞ্চ
• শিক্ষাগত যোগ্যতাৰ প্ৰমাণ-পত্ৰ
• Employment Exchange পঞ্জীয়ন কাৰ্ড
• চলন্ত বেংক একাউণ্টৰ পাছবুকৰ প্ৰথম পৃষ্ঠা
• PAN কাৰ্ড

How to Apply Online | অনলাইনত আবেদন কৰাৰ নিয়ম

আবেদন প্ৰক্ৰিয়া দুটা পৰ্য্যায়ত হয়: (১) পঞ্জীয়ন (Registration) আৰু (২) আবেদন (Application)। পোৰ্টেল খোলাৰ পিছত তলৰ ধাপবোৰ অনুসৰণ কৰক:

1. আনুষ্ঠানিক ৱেবছাইট cmaaa.assam.gov.inত প্ৰৱেশ কৰক।
2. Online Registration Formত ক্লিক কৰি নিজৰ প্ৰাথমিক তথ্যেৰে নিজকে পঞ্জীয়ন কৰক।
3. পঞ্জীয়নৰ পিছত Login কৰি আকৌ Registration Form খোলক।
4. ব্যক্তিগত আৰু শিক্ষাগত তথ্য ভৰাই প্ৰয়োজনীয় নথিবোৰ আপলোড কৰক।
5. নিজৰ শ্ৰেণী অনুসৰি পঞ্জীয়ন ফী পৰিশোধ কৰি ফৰ্ম জমা দিয়ক।
6. জমা দিয়াৰ শেষত পোৱা Acknowledgement Receipt ডাউনলোড কৰি সযতনে ৰাখক।

টিপ: আপোনাৰ ব্যৱসায়ৰ বাবে এখন ভাল Project Report লাগিব। official ৱেবছাইটত Project Report Template পোৱা যায়।

Important Dates | গুৰুত্বপূৰ্ণ তাৰিখ

• অনলাইন আবেদন আৰম্ভ: ১ জানুৱাৰী ২০২৭ (নিৰ্ধাৰিত)
• আবেদনৰ শেষ তাৰিখ: পিছত জনোৱা হ’ব

Important Links | প্ৰয়োজনীয় লিংক

• Official Website (cmaaa.assam.gov.in)
• Project Report Templates
• Official Notification: প্ৰকাশৰ অপেক্ষাত

FAQs | সঘনাই সোধা প্ৰশ্ন

CMAAA 3.0 কি?

এইটো অসম চৰকাৰৰ এখন স্বনিযুক্তি আঁচনি, যাৰ জৰিয়তে শিক্ষিত যুৱক-যুৱতীয়ে নিজৰ ব্যৱসায় আৰম্ভ বা সম্প্ৰসাৰণ কৰিবলৈ আৰ্থিক সহায় পায়।

CMAAA 3.0ত অনলাইন আবেদন কেতিয়া আৰম্ভ হ’ব?

উপলব্ধ তথ্য অনুসৰি পোৰ্টেল ১ জানুৱাৰী ২০২৭ত খোলাৰ কথা। তথাপি আনুষ্ঠানিক বিজ্ঞপ্তিলৈ অপেক্ষা কৰক।

আবেদনৰ শেষ তাৰিখ কেতিয়া?

শেষ তাৰিখ এতিয়ালৈকে ঘোষণা কৰা হোৱা নাই।

কিমান বয়সৰ লোকে আবেদন কৰিব পাৰিব?

২৮ বছৰৰ পৰা ৪৫ বছৰৰ ভিতৰত (পূৰ্বৰ সংস্কৰণৰ নিয়ম অনুসৰি)।

নূন্যতম শিক্ষাগত যোগ্যতা কি?

দশম শ্ৰেণীলৈকে অধ্যয়ন বা দশম শ্ৰেণী উত্তীৰ্ণ। বৃত্তিমূলক শিক্ষাৰ ক্ষেত্ৰত অন্তত ৪ বছৰীয়া ডিগ্ৰী লাগিব।

কিমান টকাৰ সহায় পোৱা যাব?

₹২ লাখ বা ₹৫ লাখ, দুটা কিস্তিত।

এটা পৰিয়ালৰ কিমানজনে আবেদন কৰিব পাৰিব?

এটা পৰিয়ালৰ কেৱল এজন সদস্যই সুবিধা পাব।

সহায়ৰ প্ৰয়োজন হ’লে কাক যোগাযোগ কৰিব?

অসুবিধা হ’লে support-cmaaa@assam.gov.in ঠিকনাত ইমেইল কৰিব পাৰি।

Conclusion | শেষ কথা

নিজৰ ব্যৱসায় আৰম্ভ কৰিব বিচৰা অসমৰ যুৱক-যুৱতীৰ বাবে CMAAA 3.0 এটা ভাল সুযোগ হ’ব পাৰে। এতিয়াৰ পৰাই নথি-পত্ৰ সাজু কৰক, Employment Exchangeত পঞ্জীয়ন আছে নেকি নিশ্চিত কৰক, আৰু এখন বাস্তৱসন্মত ব্যৱসায়িক পৰিকল্পনা (Project Report) প্ৰস্তুত কৰি লওক। আনুষ্ঠানিক বিজ্ঞপ্তি প্ৰকাশ পালেই আমি তথ্য আপডেট কৰিম।

Disclaimer: এই লেখাটো তথ্যৰ উদ্দেশ্যে প্ৰস্তুত কৰা হৈছে। আবেদন কৰাৰ আগতে আনুষ্ঠানিক ৱেবছাইট বা বিজ্ঞপ্তিত তথ্য নিশ্চিত কৰি লওক।